I libri di CRV-Acr e di Rio .. l'onestà di donne e uomini è un'essenza rara e preziosa.. tanto + l'involicro che la contiene è bello e attraente.. R.e R_
I ONG DE VENERDÌ
"Tàia nò i ong de venerdì ch'el mena gramm". Inscì la me diseva de spèss la mia pòra nònna Pierina. Ma perchè pròpi de venerdì el menarìa gramm? El dovarìa vèss on dì tant 'me tutti i alter. Invece nò, gh'è in ball ona quai question. Mì hoo trovaa tanti spiegazioni e ona quaivœuna che la vegn de la bassa Italia la farìa anca rid, ma ve la risparmi. De conseguenza quella pussee interessant la pararìa vèss questa. El provèrbi, tant per ciamàl inscì, el podarìa avègh di origin antich, adrittura pagàn. Pararìa ch'el sia taccaa a la figura de la dea Venere, quella de l'amor e de la bellezza. De tutti i maner el venerdì l'è la giornada consacrada pròpi a Venere e ai sò usanz. E la dea Venere, pròpi per i sò caratteristich, (e vialter savii ben a còssa me riferissi!!!) la podeva minga andà in broeud de scisger o de zenzuin per i fòrbes e i cortèi. Perciò utilizzà i fòrbes, anca domà per scurtass i ong de venerdì, che pœu l'era el sò dì, la podeva vèss un'offesa in di sò confront. E sèmm ben che l'era mej cercà de minga mandàla foeura del birlo, perchè i conseguenz podeven vèss minga tròpp simpatich e conossom ben quanti gh'hann giontaa i òss a mètessela contra. De conseguenza de venerdì l'era mej doprà alter arnes, e lassà stà quei de taj. Ciao amisoni.
On abbrascion 🤗
a cura di Crv e acraccademia.it
